News

Real Estate News - Property News

សម្តេចតេជោនឹងអញ្ជើញបើកការដ្ឋានសាងសង់ឡើងវិញនូវផ្លូវសំខាន់ៗចំនួន៣៤ខ្សែនៅទូទាំងក្រុងព្រះសីហនុ

សម្តេចតេជោនឹងអញ្ជើញបើកការដ្ឋានសាងសង់ឡើងវិញនូវផ្លូវសំខាន់ៗចំនួន៣៤ខ្សែនៅទូទាំងក្រុងព្រះសីហនុ

ដោយវុត្ថា

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញចូលរួមជាអធិ​បតីនៅក្នុងពិធីសម្ពោធបើកគម្រោងស្ថាននាផ្លូវចំនួន៣៤ខ្សែ នៅក្នុងខេត្តព្រះសីហនុនាពេលឆាប់ៗខាងមុខនេះ។

លោក ឃាង ភារម្យ អ្នកនាំពាក្យសាលាខេត្តព្រះសីហនុបានឱ្យដឹងកាលពីពេលថ្មីៗនេះថា គម្រោងស្ថាបនាផ្លូវទាំង៣៤ខ្សែ ក្នុងភូមិសាស្ត្រខេត្តព្រះសីហនុនឹងចាប់ផ្តើមមអនុវត្តចាប់ពីថ្ងៃនេះតទៅ ដោយធ្វើទាំងថ្ងៃ ទាំងយប់ និងប្រើរយៈពេល៨ខែក្នុងនោះមានអ្នកទទួលម៉ៅការចំនួន៧ក្រុមហ៊ុន។

លោកបន្ថែមថា “ពិធីបើកការដ្ឋានសាងសង់ នឹងធ្វើឡើងនៅពេលឆាប់ៗ ក្រោមអធិបតីភាពដ៏ខ្ពង់ខ្ពស់របស់ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា”។

លោកបន្ថែមថា “ទំហំផ្លូវត្រូវបានពង្រីកអស់លទ្ធភាព ទៅតាមប្លង់ប្រព័ន្ធសុរិយោដី អមទៅដោយសួនច្បារ និងផ្លូវថ្មើរជើង”។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីពេលកន្លងទៅបានទម្លាក់កញ្ចប់ថវិកាជាតិប្រមាណចំនួន ១០០លានដុល្លារអាមេរិក ដើម្បីស្ថាបនាឡើងវិញនូវហេដ្ឋារចនាសម្ព័ន្ធសំខាន់ៗ នៅក្នុងក្រុងនៃខេត្តព្រះសីហនុ បន្ទាប់ពីទទួលរងនូវការខូចខាតដោយសារទឹកជំនន់។

គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) កាលពីពេលថ្មីៗនេះ បានសម្រេចលើកគម្រោងអភិវឌ្ឍហេដ្ឋារចនាសម្ព័ន្ធ ផ្លូវក្រុងក្នុងខេត្តព្រះសីហនុ សរុបចំនួន ៣៤ខ្សែ ប្រវែង ៨៤៥០៥ ម៉ែត្រ ចែកចេញជាបីប្រភេទ៖ ក. ប្រភេទទី ១៖ មហាវិថី មានចំនួន ៣ ខ្សែ ប្រវែងសរុប ២២ ៧៣១ ម៉ែត្រ មានទទឹង ៥០ ម៉ែត្រ ផ្លូវរថយន្ត ៦ គន្លង ផ្លូវទោចក្រយានយន្ត២គន្លង។

ខ. ប្រភេទទី២ វិថីចំនួន១៤ ខ្សែ ប្រវែងសរុប ៤៩ ៩៥៧ ម៉ែត្រ មានទទឹងពី ២០ ម៉ែត្រ ទៅ ៤០ ម៉ែត្រ ផ្លូវរថយន្ត ២ ទៅ ៤ គន្លង ផ្លូវទោចក្រយានយន្ត ២ គន្លង ។ និងខ. ប្រភេទទី ២ ៖ វិថី មានចំនួន ១៤ ខ្សែ ប្រវែងសរុប ៤៩ ៩៥៧ ម៉ែត្រ មានទទឹងពី ២០ ម៉ែត្រ ទៅ ៤០ ម៉ែត្រ ផ្លូវរថយន្ត ២ ទៅ ៤ គន្លង ផ្លូវទោចក្រយានយន្ត២គន្លង។

តាមរយៈក្រសួងរៀបចំដែន នគរូបនីយកម្ម និងសំណង់ រដ្ឋាភិបាលបានសម្រេចធ្វើការស្ថាបនា និងសាងសង់ហេដ្ឋារចនាសម្ព័ន្ធនានា នៅទូទាំងខេត្តព្រះសីហនុ រហូតដល់ចំនួន៣៤ខ្សែ នេះ ក្នុងគោលដៅប្រែក្លាយក្រុងព្រះសីហនុ ឱ្យទៅជាទីក្រុងដ៏ទំនើប ពោរពេញទៅដោយសោភ័ណភាព បរិស្ថានល្អ សម្រាប់ការរស់នៅ ទេសចរណ៍ និងធុរកិច្ច ជាពិសេសធានាបាននូវគុណភាពខ្ពស់ ដែលអាចប្រើប្រាស់បានយូរអង្វែង៕

The post សម្តេចតេជោនឹងអញ្ជើញបើកការដ្ឋានសាងសង់ឡើងវិញនូវផ្លូវសំខាន់ៗចំនួន៣៤ខ្សែនៅទូទាំងក្រុងព្រះសីហនុ appeared first on Best Real Estate News in Cambodia.

Source: Real Estate – property area