ការផ្គត់ផ្គង់អគារការិយាល័យបានកើនឡើងលើសតម្រូវការនៅក្នុងទីផ្សារ
ដោយ ៖ រ៉ាណេត
ភ្នំពេញ ៖ ស្របទៅនឹងកំណើននៃចំនួនអគារពាណិជ្ជកម្មធំៗដែលកំពុងបង្ហាញវត្តមាននៅក្នុងរាជធានីភ្នំពេញ ដែលភាគច្រើនបម្រើឱ្យវិស័យការិយាល័យជួល(Office Space) នៅក្នុងឆ្នាំ ២០២០ នេះមានចំនួនរហូតដល់ប្រមាណ ៥៧ម៉ឺន ម៉ែត្រការ៉េ ត្រូវបានអ្នកជំនាញអះអាងថា គឺជាចំនួនដ៏ច្រើនលើសពីតម្រូវការ បើទោះជាអត្រានៃការជួលមានកំណើនច្រើនជាងឆ្នាំកន្លងទៅក៏ដោយ ។
បើទោះបីជាមានការថមថយចុះនូវកំណើនទីផ្សារអចលនទ្រព្យនៅក្នុងតំបន់យ៉ាងណាក៏ដោយ ប៉ុន្តែសម្រាប់ទីផ្សារនៅក្នុងប្រទេសកម្ពុជានៅតែអាចរក្សាបាននូវភាពល្អប្រសើរ ដែលក្នុងរាប់បញ្ចូលទាំងវិស័យសំណង់ វិស័យលំនៅដ្ឋាន និងវិស័យអគារពាណិជ្ជកម្មធំៗជាដើម។
ដោយឡែកសម្រាប់តែទីផ្សារនៃការផ្គត់ផ្គង់ទៅលើវិស័យការិយាល័យជួល (Office Space) ជាពិសេសនៅក្នុងរាជធានីភ្នំពេញ ក៏មានចំនួនកើនឡើងគួរឱ្យកត់សម្គាល់ផងដែរ ដែលគិតត្រឹមឆ្នាំ២០២០នេះ ទាំងអគារការិយាល័យដែលបានបញ្ចប់ការសាងសង់ និងដាក់បញ្ចូលនៅក្នុងទីផ្សារ និងអគារគ្រោងបញ្ចប់ការសាងសង់នៅក្នុងដ៏ពេលខ្លីខាងមុខនេះ មានកំណើនសរុបរហូតដល់ប្រមាណ៥៧ម៉ឺនម៉ែត្រការ៉េ ដែលជាចំនួនមួយដ៏លើសលប់។
នាយិកាប្រចាំប្រទេសក្រុមហ៊ុនភ្នាក់ងារអចលនទ្រព្យអន្តរជាតិ CBRE លោកស្រី អាន សុធីតា បានមានប្រសាសន៍ប្រាប់តាមទូរស័ព្ទកាលពីព្រឹកថ្ងៃទី៣០ ខែមករា ឆ្នាំ២០២០នេះថា នៅក្នុងឆ្នាំ២០២០នេះ ចំនួននៃការផ្គត់ផ្គង់ការិយាល័យជួលមានការកើនឡើងច្រើន ខណៈដែលតម្រូវការទីផ្សារក៏មានការកើនឡើងដូចគ្នា”។
លោកស្រីបានបន្តទៀតថា “អគារការិយាល័យជួលត្រូវបានចែកចេញជា២ គឺអគារការិយាល័យជួលដែលមានម្ចាស់តែមួយ និងអគារការិយាល័យសហកម្មសិទ្ធិ។ សម្រាប់អគារការិយាល័យដែលមានម្ចាស់តែមួយនៅក្នុងឆ្នាំ២០២០នេះ នឹងត្រូវបានដាក់បញ្ចូលនៅក្នុងទីផ្សារមានទំហំសរុបកើនឡើងរហូតដល់ប្រមាណ៣៧ម៉ឺនម៉ែត្រការ៉េ។ ដោយឡែកអគារការិយាល័យសហកម្មសិទ្ធិ នឹងដាក់បញ្ចូលនៅក្នុងទីផ្សារមានទំហំសរុបអាចកើនឡើងដល់២០ម៉ឺនម៉ែត្រការ៉េ”។
នាយិកាប្រចាំប្រទេសក្រុមហ៊ុនភ្នាក់ងារអចលនទ្រព្យអន្តរជាតិរូបនេះបានបញ្ជាក់ថា “កាលពីឆ្នាំ២០១៨ ទំហំការិយាល័យជួលសហកម្មសិទ្ធិមានចំនួនត្រឹមតែ ២ម៉ឺន ម៉ែត្រការ៉េ ហើយនៅក្នុងឆ្នាំ២០១៩បានបន្តកើនឡើងចំនួន៨ម៉ឺនម៉ែត្រការ៉េ។ ដោយឡែកនៅក្នុងឆ្នាំ ២០២០ ដែលមានគម្រោងអគារធំៗចំនួន៤ ដែលគ្រោងនឹងបញ្ចប់ និងដាក់បញ្ចូលនៅក្នុងទីផ្សារបន្ថែមនោះ បានធ្វើឱ្យមានការកើនឡើងរហូតដល់ប្រមាណ២០ម៉ឺនម៉ែត្រការ៉េ ដែលជាចំនួនមួយដ៏លើសលប់”។
លោកស្រីបន្តថា “បើទោះជានៅក្នុងឆ្នាំ២០២០នេះ ចំនួននៃតម្រូវការមានការកើនឡើងជាងឆ្នាំកន្លងទៅ ប៉ុន្តែចំនួននៃការផ្គត់ផ្គង់មានចំនួនច្រើនស្របគ្នា នឹងធ្វើឱ្យចំនួនទំនេរមានច្រើនដូចគ្នា”។
កម្រិតនៃអគារការិយាល័យជួលត្រូវបានចែកចេញជា៣កម្រិត គឺកម្រិត A ត្រូវបានដាក់ជួលក្នុងតម្លៃប្រមាណ ៣០ដុល្លារក្នុងមួយម៉ែត្រការ៉េ កម្រិត B ត្រូវបានដាក់ជួលក្នុងតម្លៃ ២៥ដុល្លារក្នុងមួយម៉ែត្រការ៉េ និងកម្រិត C ត្រូវបានដាក់ជួលក្នុងតម្លៃប្រមាណ១៥ ដុល្លារក្នុងមួយម៉ែត្រការ៉េ ដែលមានចំនួនច្រើនស្ទើរ ៥០ភាគរយ នៃចំនួនសរុប ៕
The post ការផ្គត់ផ្គង់អគារការិយាល័យបានកើនឡើងលើសតម្រូវការនៅក្នុងទីផ្សារ appeared first on Best Real Estate News in Cambodia.
Source: Real Estate – property area
Purchasing your rental property is just the start. Next, you need to think about managing the property and making improvements.
What you consider essential when buying a property to live in is different to what you need to look for…
What you consider essential when buying a property to live in is different to what you need to look for…