នៅពេលនិយាយអំពីការទិញអចលនទ្រព្យយសម្រាប់វិនិយោគ ឬស្នាក់នៅជាអចិន្ត្រៃយ៍ ជាទូទៅអ្នកទិញមានជម្រើសបី៖ ១. ទិញអចលនទ្រព្យដែលបានបញ្ចប់ការសាងសង់ទាំងស្រុង ២. ទិញអចលនទ្រព្យដែលកំពុង កំពុងសាងសង់ និង ៣. ទិញអចលនទ្រព្យមុនគម្រោងសាងសង់។
រូបភាព៖ Discover ASEAN
ក្នុងចំណោមជម្រើសទាំងបីខាងលើ ការទិញអចលនទ្រព្យមុនគម្រោងទទួលបានការចាប់អារម្មណ៍ខ្លាំងចំណោមអ្នកទិញមួយចំនួនដោយសារហេតុផលដ៏ទាក់ទាញចំនួន៣។ ទីមួយ ប្រសិនបើអ្នកទិញអចលនទ្រព្យមុនគម្រោង អ្នកអាចទិញក្នុងតម្លៃក្រោមទីផ្សារ ហើយអាចលក់បន្តដើម្បីទទួលបានប្រាក់ចំណេញ ប្រសិនបើអ្នកជាអ្នកវិនិយោគ។
ទីពីរ អ្នកអាចមានសិទ្ធក្នុងការជ្រើសរើសទីតាំង ឫយូនីតដែលអ្នកពេញចិត្តមុនគេ ហើយទីបីអ្នកនឹងទទួលបានជម្រើសបង់ប្រាក់ដ៏ល្អពីអ្នកអភិវឌ្ឍន៍ជាមួយនឹងអត្រាការប្រាក់ទាប ប្រសិនបើអ្នកបង់រំលោះប្រចាំខែ។
ទោះជាយ៉ាងណាក៏ដោយ ប្រសិនបើអ្នកចង់ទិញលំនៅឋានមុនគម្រោង អ្នកអាចនឹងប្រឈមនឹងហានិភ័យដែលអ្នកអភិវឌ្ឍន៍ខកខានក្នុងការបញ្ចប់គម្រោង ឬមិនបានចាប់ផ្តើមសាងសង់គម្រោង បន្ទាប់ពីអ្នកបង់ថ្លៃពេញ ឬបង់រំលោះអចលនទ្រព្យរបស់អ្នក។
ក្នុងករណីនេះ អ្នកគួរសិក្សាអំពីអ្នកអភិវឌ្ឍន៍ឱ្យបានលម្អិតដូចជាជីវប្រវត្ត កេរ្តិ៍ឈ្មោះ និងប្រភពហិរញ្ញវត្ថុរបស់ពួកគេជាដើម មុនពេលអ្នកសម្រេចចិត្តទិញ ឫវិនិយោគលើគម្រោងនោះ។ ប្រសិនបើអ្នកមិនចង់វិនិយោគថវិការជាមួយគម្រោងមិនល្អ អ្នកគួរស្វែងរកសេវាកម្មប្រឹក្សារយោបល់ពីមេធាវី ភ្នាក់ងារអចលនទ្រព្យ ឬក្រុមហ៊ុនអចលនទ្រព្យដែលមានជំនាញវិជ្ជាជីវៈដែលអាចជឿទុកចិត្តបាននៅក្នុងប្រទេសកម្ពុជា ដើម្បីជួយអ្នកជ្រើសរើសអ្នកអភិវឌ្ឍន៍ស្របច្បាប់ និងមានកេរ្តិ៍ឈ្មោះល្អ។
លោក យឹង សាមឌី គឺជាមេធាវីដែលមានបទពិសោធន៍យូរឆ្នាំនៅការិយាល័យមេធាវី L.D.R. ដែលបានចូលរួមក្នុងការដោះស្រាយវិវាទរវាងអ្នកអភិវឌ្ឍន៍ និងអតិថិជនដែលបានទិញលំនៅឋានមុនគម្រោងនាពេលកន្លលងមក។
លោកមានប្រសាសន៍ថា៖ «ប្រសិនបើអ្នកចង់ទិញលំនៅឋានមុនគម្រោង អ្នកគួរតែស្វែងរកដំបូន្មាន ឬសេវាកម្មពីមេធាវីមុននឹងសម្រេចចិត្តទិញលំនៅឋាននៅក្នុងគម្រោងណាមួយ ដើម្បីធានាថាអ្នកកំពុងទិញអចលនទ្រព្យល្អពីអ្នកអភិវឌ្ឍន៍ត្រឹមត្រូវស្របច្បាប់។ ដូច្នេះ អ្នកនឹងមិនខាតបង់ប្រាក់ដែលរកបានដោយលំបាកជាមួយអ្នកអភិវឌ្ឍន៍មិនល្អនោះទេ។»
លោកបានបន្ថែមថា តាមផ្លូវច្បាប់ មុននឹងមានលក្ខណៈសម្បត្តិគ្រប់គ្រាន់ក្នុងការសាងសង់ និងលក់គម្រោងណាមួយ អ្នកអភិវឌ្ឍអចលនទ្រព្យត្រូវតែទទួលបានការអនុម័តគម្រោងរបស់ខ្លួនពីសំណាក់ក្រសួងពាក់ព័ន្ធជាមុនសិន។ មុននឹងទទួលបានការអនុម័តពីក្រសួង អ្នកអភិវឌ្ឍន៍ត្រូវមានដើមទុនបម្រុងមួយចំនួនដែលតម្រូវដោយច្បាប់ អាជ្ញាប័ណ្ណសាងសង់ ការចុះបញ្ជីក្រុមហ៊ុន អាជ្ញាប័ណ្ណគម្រោង ប្លង់មេគម្រោង និងប្លង់រឹងបំបែកក្បាលដីទៅឱ្យអតិថិជន។
ថ្មីៗនេះមានការតវ៉ាពីសំណាក់អតិថិជនមួយចំនួន ដែលបានទិញលំនៅឋានមុនគម្រោងពីក្រុមហ៊ុនអភិវឌ្ឍន៍បុរីមួយនៅក្នុងខណ្ឌដង្កោ រាជធានីភ្នំពេញ។ អ្នកស្រី ទិត្យ ប៊ុណ្ណា ជាកម្មការិនីរោងចក្រ និងជាអតិថិជនម្នាក់ដែលបានតវ៉ានៅមុខការិយាល័យលក់របស់ក្រុមហ៊ុនដើម្បីសុំឱ្យក្រុមហ៊ុនសង់បញ្ចប់ផ្ទះដែលគាត់បានទិញ។
អ្នកស្រី ទិត្យ ប៊ុណ្ណា មានប្រសាសន៍ថា៖ «ខ្ញុំបានទិញលំនៅឋានមុនគម្រោងពីក្រុមហ៊ុនអភិវឌ្ឍន៍បុរីរបស់ខ្ញុំក្នុងឆ្នាំ២០១៨ ដោយបានបង់ប្រាក់គ្រប់ចំនួន១០០% ហើយក្រុមហ៊ុនបានសន្យាថានឹងសាងសង់ផ្ទះរបស់ខ្ញុំចប់ក្នុងរយៈពេល១៨ខែ ហើយដែលអាចពន្យាពេល៤ខែបន្ថែម។ ប៉ុន្តែ ឥឡូវនេះគឺខែកុម្ភៈ ឆ្នាំ២០២២ហើយ ផ្ទះរបស់ខ្ញុំនៅតែមិនទាន់បានបញ្ចប់ការសាងសង់នៅឡើយ ខ្ញុំស្នើឲ្យអ្នកអភិវឌ្ឍន៍បុរីសាងសង់បញ្ចប់ផ្ទះខ្ញុំឲ្យបានឆាប់តាមដែលអាចធ្វើទៅបាន»។
ទាក់ទិននឹងបញ្ហានេះ លោក យឹង សាមឌី បានគូសបញ្ជាក់ថា ជាធម្មតា ជម្លោះកើតឡើងនៅពេលអ្នកទិញផ្ទះមិនបានសិក្សាលម្អិតពីអ្នកអភិវឌ្ឍន៍របស់ខ្លួន។ អ្នកទិញខ្លះមិនមានចំណេះដឹងស៊ីជម្រៅអំពីផ្លូវច្បាប់ទាក់ទងនឹងការអភិវឌ្ឍន៍គម្រោងនោះទេ ហើយពួកគេក៏មិនចង់ចំណាយពេលច្រើនក្នុងការស្រាវជ្រាវគម្រោងនោះទេ។
ដោយសារតែមូលហេតុនេះហើយ ដែលវិនិយោគិន ឬអ្នកទិញផ្ទះគួរតែស្វែងរកដំបូន្មានផ្នែកច្បាប់ ឬសេវាកម្មពីមេធាវីដើម្បីជៀសវាងហានិភ័យនានា នៅពេលពួកគេទិញលំនៅឋានមុនគម្រោង ព្រោះមេធាវីនឹងធ្វើការ សិក្សាស៊ីជម្រៅអំពីគម្រោងជាពិសេសខាងផ្លូវច្បាប់ មុននឹងណែនាំអតិថិជនឱ្យទិញលំនៅឋានពីគម្រោងណាមួយ។
តាមដានព័ត៌មានផ្សេងៗទាក់ទងនឹងការអភិវឌ្ឍន៍ ជាពិសេសវិស័យអចលនទ្រព្យ សូមចូលទៅកាន់គេហទំព័រ Harbor property និងកម្មវិធីទូរសព្ទដៃដោយសរី៕
Purchasing your rental property is just the start. Next, you need to think about managing the property and making improvements.
What you consider essential when buying a property to live in is different to what you need to look for…
What you consider essential when buying a property to live in is different to what you need to look for…