តើអ្នកមានគម្រោងទិញផ្ទះសម្រាប់គ្រួសារហើយឬនៅ តើប្រភេទផ្ទះមួយណាដែលលោកអ្នកមានបំណងចង់ទិញ? សព្វថ្ងៃនេះ យើងឃើញថាគម្រោងលំនៅឋានប្រភេទខុនដូ និងបុរីមានច្រើននៅក្នុងប្រទេសកម្ពុជា ចំណែកឯតម្លៃក៏ខ្ពស់គួរសមផងដែរ ដូច្នេះមុននឹងសម្រេចចិត្តទិញផ្ទះលោកអ្នកត្រូវគិតគូរឲ្យបានច្បាស់លាស់។
សម្រាប់អ្នកដែលមានបំណងទិញផ្ទះហើយមានអាជីវកម្មមុខរបរនៅក្នុងដៃ ប្រភេទផ្ទះអាជីវកម្ម ឬ shophouse ពិតជាសាកសម្យបំផុតសម្រាប់លោកអ្នក។ ដូចនេះ Harbor Property នឹងនាំលោកអ្នកមកស្វែងយល់នូវហេតុផលមួយចំនួនដែលលោកអ្នកគួរតែពិចារណាទិញផ្ទះអាជីវកម្ម៖
បង្កើតប្រាក់ចំណូល
ប្រសិនបើអ្នកមានមុខរបរស្រាប់នៅក្នុងដៃ នៅពេលអ្នកបានទិញផ្ទះប្រភេទផ្ទះអាជីវកម្ម វាពិតជា ប្រសើរហើយចំណេញផងដែរ ដោយសារវាងាយស្រួលកែច្នៃទៅជាការិយាល័យ ឬហាងលក់ដូរផ្សេងៗ។ ជាធម្មតា ផ្ទះអាជីវកម្មមានទីតាំងអំណោយផលដែលស្ថិតនៅតាមផ្លូវធំ និងមានទីធ្លាសម្រាប់ចតយានយន្តផងដែរ។ ជាការពិតណាស់ នៅពេលដែលយើងសម្រេចចិត្តទិញផ្ទះអាជីវកម្ម យើងប្រាកដជាមានបំណង និងក្ដីស្រមៃក្នុងចិត្តរួចជាស្រេចថានឹងទិញផ្ទះនោះបើកអាជីវកម្មអ្វីមួយមិនខាន។
សក្តានុពលនៃទីតាំង
ផ្ទះអាជីវកម្មឬហៅថា shop house ម្ចាស់គម្រោងភាគច្រើនតែងតែជ្រើសយកទីតាំងដែលស្ថិតនៅមុខជាប់នឹងផ្លូវធំដែលងាយស្រួលក្នុងការប្រកបរបររកស៊ី ដែលធានាថាអាជីវកម្មរបស់លោកអ្នកស្ថិតនៅយូរអង្វែង។ ជាក់ស្ដែង ទីតាំងនៃការអភិវឌ្ឍន៍ផ្ទះអាជីវកម្មគឺមានភាពល្អប្រសើរ ដោយគម្រោងផ្ទះអាជីវកម្មស្ថិតនៅទីប្រជុំជន ខាងមុខផ្លូវមានមនុស្សរស់នៅច្រើនក្នុងតំបន់ពាណិជ្ជកម្មងាយស្រួលប្រើប្រាស់សេវាសាធារណៈនានា ដូចជាសាលារៀន មន្ទីពេទ្យ ផ្សារទំនិញ វត្តអារាម ស្ថានីយ៍ពន្លត់អគ្គីភ័យ កន្លែងកម្សាន្ដ -ល-។
ងាយស្រួលលក់ ឬជួល
នៅពេលអ្នកទិញផ្ទះ អ្នកខ្លះអាចបង់ប្រាក់បង់ផ្តាច់ ឬបង់រំលស់ពីធនាគារ ដែលត្រូវសងការប្រាក់ត្រលប់ទៅវិញ។ ក្នុងលក្ខណនេះ យើងឃើញថាផ្ទះប្រភេទអាជីវកម្មគឺថាមានហាងឆេង ដែលងាយស្រួលនិងបានប្រាក់ចំណេញឆាប់រហ័ស ប៉ុន្តែវាក៏មានតម្លៃថ្លៃផងដែរ។
ដោយសារតែគេអាចទទួលបានចំណូលជាប្រចាំពីអាជីវកម្ម បើទោះជាមិនទាន់មានអាជីវកម្មផ្ទាល់ខ្លួន ក៏គេអាចដាក់ជួលនៅក្នុងតម្លៃខ្ពស់សមរម្យមួយដែរ។ អ្វីដែលសំខាន់បន្ថែមនោះ តម្លៃផ្ទះក៏តែងតែឡើងខ្ពស់ជាងមុនពីមួយឆ្នាំទៅមួយឆ្នាំផងដែរ ដូចនេះការទិញផ្ទះទុកក៏ចំណេញច្រើនមិនចាញ់ការទិញដីទុកនោះដែរ។
ផ្ទះអាជីវកម្មដែលពេញនិយមសព្វថ្ងៃនេះគឺកម្ពស់ចាប់ពី ២ ជាន់ឡើង មានទីធ្លាទូលាយល្អសម្រាប់ប្រកបអាជីវកម្ម ជាមួយនឹងម៉ូដរចនាស្អាតៗដែលស្ទើរតែមិនចាប់បាច់តុបតែងច្រើននោះទេ។ ជាទូទៅ រចនាបថនៃផ្ទះអាជីវកម្មងាយស្រួលបត់បែន ដែលល្អសម្រាប់ការរស់នៅ ការិយាល័យក្រុមហ៊ុនសេវាកម្ម ឬអាជីវកម្ម។
ប្រសិនបើចង់ទិញផ្ទះអាជីវកម្ម លោកអ្នកអាចស្វែងរកផ្ទះសម្រាប់លក់នៅក្នុងគេហទំព័រ ឬតាមរយៈកម្មវិធីទូរស័ព្ទរបស់ Harbor Property៕
Purchasing your rental property is just the start. Next, you need to think about managing the property and making improvements.
What you consider essential when buying a property to live in is different to what you need to look for…
What you consider essential when buying a property to live in is different to what you need to look for…