ការលក់លំនៅដ្ឋាននៅសឹង្ហបូរីបានងើបឡើងវិញដោយសារកំនើនវិនិយោគពីវិនិយោគិនហុងកុង និងចិន
ការលក់លំនៅដ្ឋាននៅសឹង្ហបូរីបានងើបឡើងវិញដោយសារកំនើនវិនិយោគពីវិនិយោគិនហុងកុង និងចិន
ដោយ ប៊ី
សឹង្ហបូរីៈ សឹង្ហបូរីបានលក់ផ្ទះប្រណីតជាច្រើនដល់ជនបរទេស ក្នុងរយៈពេលបីខែគិតត្រឹមខែ មិថុនានេះ បើប្រៀបធៀបទៅនឹងត្រីមាសផ្សេងទៀត ក្នុងអំឡុងពេល១២ខែ កន្លងមកនេះ ខណៈវិនិយោគិនចិន និងហុងកុងបានស្វែងរកទីសុវត្ថិភាពក្នុងការវិនិយោគប្រាក់របស់ពួកគេ ស្របពេលមានសង្គ្រាមពាណិជ្ជកម្មរវាងអាមេរិក និងចិនកំពុងកើតឡើង និងសណ្តាប់ធ្នាប់សាធារណៈហុងកុងកាន់តែយ៉ាប់យ៉ឺន។
ផ្ទះប្រណីតរហូតដល់១៤០ផ្ទះ ដែលមានតម្លៃជាង៨លានដុល្លារសឹង្ហបូរី (៥,៨ លានដុល្លារ) ឬ ៣,០០០ដុល្លារក្នុងមួយហ្វីតការ៉េ ត្រូវបានលក់ទៅឱ្យជនបរទេសនៅត្រីមាសទី២ សូម្បីតែមានពន្ធបន្ថែមរបស់អ្នកទិញ២០ភាគរយ ត្រូវបានកំណត់លើអ្នកទិញបរទេស។
លោក Alan Cheong ប្រធានផ្នែកស្រាវជ្រាវនិងប្រឹក្សាយោបល់នៅក្រុមហ៊ុន Savills Singapore បានមាន ប្រសាសន៍ថា “វាមានការកើនឡើងនៅក្នុងប្រភេទលំនៅដ្ឋាននោះ (លំនៅដ្ឋានប្រណីត) ហើយយើងប៉ាន់ប្រមាណថា ភាគច្រើនការទិញអាចជាការលាយបញ្ចូលគ្នារវាងប្រជាជនហុងកុង និងចិនដីគោក”។លោកបន្តថា “យើងមិនបានឃើញចំនួនជនបរទេសទេ ដែលទិញផ្ទះប្រណីតនៅសឹង្ហបូរី ចាប់តាំងពីត្រីមាសទី១ឆ្នាំ ២០០៧ មក”។
ការលក់បានជាប់កំណត់ត្រា សំរាប់ជនបរទេសដែលបញ្ជាក់ពីរបៀប ដែលទីក្រុងសឹង្ហបូរីបានក្លាយជាទីផ្សាអចលនទ្រព្យលំនៅដ្ឋានមួយ ដែលមានប្រជាប្រិយភាពបំផុតនៅលើពិភពលោកដែលជំរុញដោយវិនិយោគិនហុងកុង និងចិន។
ការកើនឡើងថ្លៃអចលនទ្រព្យ បានបន្តដល់ត្រីមាសទី៣ ខណៈការធ្លាក់ចុះនៅហុងកុង និងការធ្លាក់ចុះតម្លៃផ្ទះ២០ភាគរយ បានជំរុញដើមទុនឆ្ពោះទៅភាគខាងត្បូងទៅកាន់ប្រទេសសឹង្ហបូរី ដោយមានផ្ទះប្រណីតទំនើបៗចំនួន១១០ ត្រូវបានលក់ចេញនៅពាក់កណ្តាលខែ កញ្ញា៕
The post ការលក់លំនៅដ្ឋាននៅសឹង្ហបូរីបានងើបឡើងវិញដោយសារកំនើនវិនិយោគពីវិនិយោគិនហុងកុង និងចិន appeared first on Best Real Estate News in Cambodia.
Source: Real Estate – property area