តើដីនៅតាមបណ្តោយផ្លូវណាខ្លះមានតម្លៃដីខ្ពស់ជាងគេនៅទីក្រុងភ្នំពេញ?
តើដីនៅតាមបណ្តោយផ្លូវណាខ្លះមានតម្លៃដីខ្ពស់ជាងគេនៅទីក្រុងភ្នំពេញ?
ដោយ ប៊ី
ភ្នំពេញៈ តម្រូវការការសាងសង់អាគារខ្ពស់ៗ និងចលនាចរន្តសេដ្ឋកិច្ចខ្លាំង ធ្វើឱ្យតម្លៃដីនៅតាមបណ្តោយផ្លូវមហាមន្នីវង្ស និងនរោត្តមមានតម្លៃជាងគេនៅទីក្រុងទីភ្នំពេញ។
លោកស្រី អាន សុធីតា អគ្គនាយិកាប្រចាំCBRE Cambodia បានប្រាប់គេហទំព័រ Propertyarea.asia នៅថ្ងៃអង្គារទី៤ ឆ្នាំ ២០២០ នេះថា បើទោះបីជាចលនាទិញលក់អចលនទ្រព្យនៅឆ្នាំ២០១៩ និង២០២០ មានថមថយបន្តិច ក៏តម្លៃដីនៅតាមបណ្តោយផ្លូវមហាមន្នីវង្ស និងនរោត្តមមានតម្លៃជាងគេនៅទីក្រុងទីភ្នំពេញ។
លោកស្រីបានថ្លែងថា “រហូតមកពេលនេះ ដីដែលថ្លៃជាងគេបំផុតនៅតាមបណ្ដោយផ្លូវមន្នីវង្ស និងផ្លូវនរោត្តម ហើយតម្លៃដីអាចឡើង ទៅដល់៨,០០០ ដុល្លារក្នុងម៉ែត្រការ៉េសម្រាប់ផ្លូវទាំងពីរនេះ”។
ផ្លូវមុនីវង្សជាផ្លូវដែលបន្តុំដោយអគារខ្ពស់ៗ និងហាងទំនើបៗ មជ្ឈមណ្ឌលពាណិជ្ជកម្ម ធនាគារ និងមានចរន្តសេដ្ឋកិច្ចខ្លាំង និងផ្លូវនរោត្តមជាផ្លូវគណៈប្រតិភូ និងតំបន់ពាណិជ្ជកម្មផងដែរ ហើយសម្រាប់ចរន្តសេដ្ឋកិច្ចសម្រាប់ផ្លូវនេះវិញ មានភាពខ្លាំងមិនខុសពីផ្លូវមុនីវង្សទេ។
លោកស្រីអាន សុធីតាបានបន្តថា ចំនួនការទិញលក់អចលនទ្រព្យនៅឆ្នាំ ២០១៩ ធ្លាក់ចុះនៅក្នុងទីផ្សារទាំងមូល បើធៀបនឹងឆ្នាំ ២០១៨។ ការធ្លាក់ចុះនេះគឺដោយសារ ឆ្នាំ ២០១៨ មានតម្រូវការ ហើយការទិញលក់ច្រើននៅក្នុងទីក្រុង ហើយវាចាប់ផ្តើមធ្លាក់ចុះនៅក្នុងឆ្នាំ២០១៩ ដោយសារដីនៅក្នុងទីក្រុងមានតម្លៃពេក ប៉ុន្តែចលនាទិញលក់បែរជាកើនឡើងនៅជាយក្រុង ដូចជាតំបន់ផ្លូវក្រវ៉ាត់ក្រុងទី៣ ផ្លូវ និង៦០ ម៉ែត្រជាដើម”។
លោកស្រីបន្តថា វិស័យសំណង់គឺប្រភពមួយ និងកត្តាចំណងមួយដែលនាំឱ្យវិស័យអចលនទ្រព្យរីកដុះដាល ពិសេសវិស័យដីធ្លី ហើយតាមព័ត៌មានដែលចេញក្រសួងដែនដី នៅក្នុងឆ្នាំ ២០១៩ ជាដែលវិស័យសំណង់រីកដុះដាលខ្លាំងគេ បើធៀបនឹងឆ្នាំផ្សេងៗ៕
The post តើដីនៅតាមបណ្តោយផ្លូវណាខ្លះមានតម្លៃដីខ្ពស់ជាងគេនៅទីក្រុងភ្នំពេញ? appeared first on Best Real Estate News in Cambodia.
Source: Real Estate – property area