ហាងកាហ្វេជាយក្រុង៣កន្លែងដែលអ្នកមិនគួរមើលរំលង
មមាញឹកនឹងរឿងការងារ ឬរបររកស៊ីប្រចាំថ្ងៃ បញ្ហាគ្រប់ច្រកល្ហក់ដែលត្រូវដោះស្រាយ ពេលខ្លះយើងក៏ ចង់មានពេលវេលាស្ងប់សុខបែបធម្មជាតិសម្រាប់ធ្វើឲ្យយើងមានអារម្មណ៍រំសាយពីទុកកង្វល់ទាំងនោះ ផងដែរ។ Harbor Property សុំណែនាំហាងកាហ្វេនៅជាយក្រុងភ្នំពេញមួយចំនួនសម្រាប់អ្នកដែលចង់ ធ្វើដំណើរចេញពីទីក្រុងដែលមានភាពតប់ប្រមល់ ខាងក្រោមជាហាងកាហ្វេដែលស្ថិតនៅជាយក្រុងភ្នំពេញ ប្រកបដោយបរិយាកាសស្ងប់សុខផងដែរ៖
កាហ្វេក្បែររបង-The Fence Coffee
កាហ្វេក្បែរបងស្តាប់ទៅហាក់បីដូចជាជិតដិត ត្រូវហើយហាងកាហ្វេដ៏តូចមួយនេះពិតជាធ្វើឲ្យអ្នកដែល បានទៅផឹកកាហ្វេនៅទីនោះមានអារម្មណ៍ថាយើងកំពុងស្ថិតនៅក្នុងទៀមកាហ្វេនៅក្នុងតំបន់យើងរស់ នៅកាលពីជំនាន់ទស្សវត្សន៍៩០អ៊ីចឹង។ ហាងកាហ្វេតូចមែនពិតប៉ុន្តែមានការតុបតែងបែបស្រគត់ស្រគុំ បែបប្រពៃណីខ្មែរយើង ដែលយើងចំណាំនិយាយថា ផឹកកាហ្វេបែបម៉ាកុង ដែលមានប៉ាន់តែ កាហ្វេឆុងស្រោមជើង (មិនមែនស្រោមជើងយកមកឆុងទេប៉ុន្តែអ្នកដែលធ្លាប់ផឹកកាហ្វេ ជំនាន់មុនពិតជាដឹងហើយ ហេតុអីបានគេហៅថាកាហ្វេស្រោមជើង!)។
នៅហាងកាហ្វេនេះមានបម្រើជូនកាហ្វេដ៏មានឱជារសជាមួយនំប៉ោង នំឆាខ្វៃដាក់លើចង្អេរខ្មែរប្លែកម្យ៉ាង ដែលទាំងអស់នេះជាអត្តសញ្ញាណនៃហាងកាហ្វេនេះ។
ស្ថិតនៅជិតក្រុងតាខ្មៅ ធ្វើដំណើរប្រមាណ ២៥ នាទី ពីក្រុងភ្នំពេញ ហាងកាហ្វេនេះមានទីតាំងតូចមែនតែសម្បូរប្លង់ថតរូបណាស់ ចាប់បានគ្រប់ប្លង់ គ្រប់របស់របរ វត្ថុបុរាណចាស់ៗ ថតរូបស្ហាតបានទាំងអស់។ អង្គុយផឹកកាហ្វេ បែបលក្ខណៈ Outdoor Open Space ក្រោមដើមឈើស្រូបខ្យល់បរិសុទ្ធម្តងទៅ។
ហាងកាហ្វេផ្ទះចំការ HOME Chamkar
ពីដីចំការក្លាយជាហាងកាហ្វេដែលទទួលបានប្រជាប្រិយភាពខ្លាំងមែនទែន បើគិតមកដល់ពេលនេះ ហាងកាហ្វេផ្ទះចំការពិតជាទទួលបានប្រជាប្រិយភាពយ៉ាងខ្លាំង។ មានទេសភាពមាត់បឹង ហាងកាហ្វេ តុបតែងជាលក្ខណៈកញ្ជក់ដែលអាចមើលឃើញទេសភាពបឹង និងចំការ។
ភ្ញៀវប្រចាំនៅទីនេះភាគច្រើនជាអ្នកមកពីភ្នំពេញ សម្រាប់ថ្ងៃសៅរ៍អាទិត្យភាគច្រើនក្រុមអ្នកជិះកង់ដែលចូលចិត្តជិះកង់លេងកំសាន្តហើយឈប់សម្រាកនៅទីនេះក្រេបយកកាហ្វេដ៏ឆ្ងាញ់ពិសារ ហើយនៅទីនេះក៏មានទទួលបម្រើអាហារជាច្រើនមុខផងដែរ។
ធ្វើដំណើរត្រឹមតែ២គីឡូម៉ែត្រពីភ្នំពេញហាងកាហ្វេផ្ទះចំការនេះស្ថិតនៅភូមិស្វាយជ្រុំ ឃុំស្វាយជ្រុំ ស្រុកខ្សាច់កណ្តាល ខេត្តកណ្តាល ពិតជាសាកសមសម្រាប់អ្នកធ្វើការដែលស្រ្តេសពេញមួយសប្តាហ៍ ពីការងារមករំសាយអារម្មណ៍នៅហាងកាហ្វេមួយនេះ។
ហាងកាហ្វេ Lé Toul Café
ចំណែកឯហាងកាហ្វេដែលស្ថិតនៅមិនឆ្ងាយពីក្រុងភ្នំពេញដែរនោះគឺស្ថិតនៅព្រែកព្នៅ ស្ថិតនៅលើផ្លូវលេខ៤២ ភូមិទួល សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ដែលជាប្រភេទហាងកាហ្វេបែបផ្ទះខ្មែរបុរាណ ហើយសាកសមបំផុតសម្រាប់អ្នកដែលមកកាន់ទីនេះជាលក្ខណៈគ្រួសារ។
ផ្តើមចេញពីអាជីវកម្មផែនការបែបគ្រួសារ និងការស្រលាញ់បរិស្ថានផងនោះ ទើបហាងកាហ្វេនេះបានលេចចេញជារូបរាងឡើង ហើយមានបម្រើម្ហូបអាហារផងដែរជាមួយនឹងកាហ្វេដ៏ឈ្ងុយ។ ចំណុចពិសេសបំផុត គឺហាងនេះសង់ជារចនាបថផ្ទះឈើបុរាណខ្មែរដែលជាបង្គុំរវាងគ្រឿងទព្វសម្ភារ (គ្រឿងសំណង់)ចាស់ប្រមែប្រមូលយកពីតាមបណ្តាខេត្តនានា និងជញ្ជាំងធ្វើពីបង្អួច ស្លាបព្រិលសុទ្ធសាធ ហៅថា«ផ្ទះបង្អួច១០០»។
លំហែកាយនៅតំបន់ជាយក្រុងជាមួយមនុស្សជាទីស្រលាញ់ យ៉ាងណាក៏អាចធ្វើឲ្យចិត្តគំនិតបាន ស្រស់ថ្លាមួយកម្រិតផងដែរ។ ងាកមកកាន់ការវិនិយោគវិញប្រាកដណាស់សក្តានុពលតំបន់ជាយ ក្រុងភ្នំពេញវាពិតជាអំណោយផលមិនថាតែឱកាសអាជីវកម្ម អចលនទ្រព្យក៏មានការអភិវឌ្ឍន៍គួរ ឲ្យកត់សំគាល់ផងដែរ។ មានគម្រោងលំនៅឋាន ដីឡូត៍ ក៏ដូចជាឱកាសវិនិយោគលើដីធ្លីក៏មាន ច្រើន ហើយមានតម្លៃថោកជាងនៅក្នុងទីក្រុងផងដែរ។
តួយ៉ាងភាគខាងត្បូងដែលសាលារាជធានីក្រុងភ្នំពេញបានរៀបចំផែនការអភិវឌ្ឍន៍តំបន់នោះទៅជាតំបន់បៃតង។ ផ្លូវ៦០ម៉ែត្រជាតំបន់ដែលមានសន្ទុះការអភិវឌ្ឍន៍កាន់តែខ្លាំង ចំណែកងាកមកមើលតំបន់ភាគខាងលិច ព្រែកភ្នៅឯណ្ណោះវិញក៏មិនថយក្រោយដែរ តម្លៃដីចាប់ហក់ឡើងបន្ទាប់ពីគម្រោងប្រែក្លាយតំបន់នេះជាកោះពេជ្រទី២ ដោយមានការអភិវឌ្ឍន៍តំបន់នេះជាតំបន់ស្នូលនៃទេសចរនិងសេដ្ឋកិច្ចផងដែរ។
លោកអ្នកអាចស្វែងរកគម្រោងអភិវឌ្ឍន៍សម្រាប់លក់ ឬអចលនទ្រព្យជាច្រើនតាមរយៈ Harbor Property ដោយចូលទៅកាន់គេហទំព័រ និងកម្មវិធីទូរស័ព្ទរបស់យើងដោយឥតគិតថ្លៃបានផងដែរ៕
អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ 096 7876 902 (Telegram)/ 066 886633