CVEA នឹងទាក់ទាញការវិនិយោគបន្ថែមតាមរយៈការចុះ MOU ជាមួយសមាគមអចលនទ្រព្យចំនួន៣នៅសហរដ្ឋអាមេរិក
CVEA នឹងទាក់ទាញការវិនិយោគបន្ថែមតាមរយៈការចុះ MOU ជាមួយសមាគមអចលនទ្រព្យចំនួន៣នៅសហរដ្ឋអាមេរិក
ដោយៈ រ៉ាណេត
ភ្នំពេញៈ នៅក្នុងឱកាសនៃការចូលរួមនៅក្នុងព្រឹត្តិការណ៍សន្និសីទ និងពិព័រណ៍អចលនទ្រព្យប្រចាំឆ្នាំរយៈពេល៤ថ្ងៃនៅសហរដ្ឋអាមេរិក សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា CVEA គ្រោងនឹងចុះកិច្ចអនុស្សារណៈយោគយល់ ជាមួយសមាគមអចលនទ្រព្យចំនួន៣ផ្សេងគ្នា ដើម្បីជំរុញការវិនិយោគក្នុងវិស័យនេះនៅកម្ពុជាបន្ថែមទៀត។
មុនពេលចាកើចេញបីព្រលានយន្តហោះអន្តរជាតិ-ភ្នំពេញ ដើម្បីចាកចេញទៅកាន់សហរដ្ឋអាមេរិក ចូលរួមនៅក្នុងព្រឹត្តិការណ៍ពិព័រណ៍អចលនទ្រព្យប្រចាំឆ្ នាំ( THE REALTOR® CONFERENCE & EXPO – 2019 ) ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម ដែលដឹកនាំសមាជិកចំនួន២៣នាក់ រួមដំណើរទៅជាមួយផងដែរនោះបានមានប្រសាសន៍ថា “ព្រឹត្តិការណ៍សន្និសីទ និងពិព័រណ៍អចលនទ្រព្យប្រចាំឆ្នាំ របស់សមាគមជាតិអ្នកវាយតម្លៃអចលនទ្រព្យអាមេរិក ហៅកាត់ (NAR) មានរយៈពេល៤ថ្ងៃ ដោយធ្វើឡើងចាប់ពីថ្ងៃទី៨-២១ ខែវិច្ឆិកា ឆ្នាំ២០១៩ នៅទីក្រុងសេនហ្វ្រេនស៊ីស្កូ (San Francisco) រដ្ឋកាលីហ្វញ៉ា (California) ”។
លោកច្រឹក សុខនីម បានបន្តទៀតថា “នៅក្នុងព្រឹត្តិការណ៍មានបណ្តាសមាគម និងក្រុមហ៊ុនអចលនទ្រព្យអន្តរជាតិចូលរួមជាច្រើន ដើម្បីធ្វើការស្វែងយល់ពីបរិកាសនៃទីផ្សារអចលនទ្រព្យ នៅតាមបណ្តាប្រទេសនានានៅលើសាកលលោក ជាពិសេសគឺការផ្លាស់ប្ដូរនូវបទពិសោធន៍ ចំណេះដឹងក្នុងវិស័យរួមគ្នា ក៏ដូចជាសិក្សាបន្ថែមពីផ្នែកបច្ចេកវិទ្យាក្នុងវិស័យអចលនទ្រព្យ ភាពជំនាញទៅលើការវាយតម្លៃ និងការផ្សារភ្ជាប់ទំនាក់ទំនងអន្តរជាតិ ក្នុងនាមជាសមាជិករបស់សមាគមជាតិ អ្នកវាយតម្លៃអចលនទ្រព្យអាមេរិក (NAR)។
ភ្ជាប់ទៅនឹងគម្រោងនៃការចុះ កិច្ចអនុស្សរណៈយោគយល់ រវាងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ជាមួយនឹងសមាគមអចលនទ្រព្យចំនួន៣ផ្សេងគ្នានោះ លោក ច្រឹក សុខនីម បានបញ្ជាក់ថា យើងមានផែនការចុះ MOUចំនួន៣ ក្នុងនោះមានសមាគមនៅសហរដ្ឋអាមេរិកចំនួន២ និងសមាគមនៅអឺរ៉ុប១ ដែលយើងកំពុងធ្វើការហ្នឹង ដោយយើងផ្ដោតលើការសហការគ្នា។
កម្ពុជាយើងអត់ទាន់បើកជំហរជើងមេឃទៅខាងអឺរ៉ុប តែឥលូវយើងកំពុងពង្រីកទីផ្សារទៅផ្នែកអឺរ៉ុប ចឹងយើងអាចនាំភ្ញៀវរបស់យើង មិនត្រឹមតែអាចទៅសហរដ្ឋអាមេរិកទេ គឺអាចទៅអឺរ៉ុបថែមទៀត នេះគឺជាទិសដៅធំរបស់យើង យើងចង់ពង្រីកសក្ដានុពលលើពិភពលោក”។
លោកបានលើកឡើងថា “តាមរយៈនៃការចុះអនុស្សារណៈយោគយល់នេះ រួមជាមួយនឹងការបង្ហាញពីកាលានុវត្តភាព ក៏ដូចជាការអភិវឌ្ឍវិស័យអចលនទ្រព្យនៅកម្ពុជា នឹងអាចទាក់ទាញចំណាប់អារម្មណ៍ អ្នកវិនិយោគមកពីបណ្តាប្រទេសដទៃទៀត មកកាន់កម្ពុជាជាក់ជាមិនខាន”៕
The post CVEA នឹងទាក់ទាញការវិនិយោគបន្ថែមតាមរយៈការចុះ MOU ជាមួយសមាគមអចលនទ្រព្យចំនួន៣នៅសហរដ្ឋអាមេរិក appeared first on Best Real Estate News in Cambodia.
Source: Real Estate – property area