CVEA នឹងរៀបចំកម្មវិធី Real Estate Business Support Program នៅចុងខែវិច្ឆិកានេះ
CVEA នឹងរៀបចំកម្មវិធី Real Estate Business Support Program នៅចុងខែវិច្ឆិកានេះ
ដោយ វុត្ថា
ភ្នំពេញ៖ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) នឹងរៀបចំកម្មវិធី Real Estate Business Support Program ដែលនឹងប្រព្រឹត្តទៅនៅថ្ងៃទី២៨ ខែវិច្ឆិកា ឆ្នាំ២០១៩ ខាងមុខនេះ។
យោងតាមសេចក្តីជូនដំណឹងរបស់់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ដែលគេហទំព័រ propertyarea.asia ទទួលបាននៅថ្ងៃទី ២៣ ខែវិច្ឆិកា ឆ្នាំ ២០១៩ នេះថា កម្មវិធីនេះរៀបចំឡើងក្នុងគោលបំណង ដើម្បីជួយសម្របសម្រួល និងប្រឹក្សាយោបល់ជូនដល់ក្រុមហ៊ុនសមាជិកសមាគមផ្នែកពាណិជ្ជកម្មដូចជា៖
១. ការរៀបចំធ្វើផែនការយុទ្ធសាស្រ្តសម្រាប់ក្រុមហ៊ុន
២. ការគ្រប់គ្រងភា្នក់ងារអចលនវត្ថុ
៣. ការរៀបចំធ្វើការងារប្រចាំថ្ងៃ
៤. និងការប្រឹក្សាយោបល់នានាដើម្បីជួយគាំទ្រដល់ដំណើរការអាជីវកម្មរបស់ក្រុមហ៊ុនសមាជិក ទាំងអស់ឲ្យកាន់តែប្រសើរឡើង ។
លោក ឡុង គឹមសួគ៌ អគ្គនាយក្រុមហ៊ុនអចលនទ្រព្យ Century21 Advanced Property និងជាវាគ្មិនដ៏សំខាន់មួយរូបនៅក្នុងកម្មវិធី Real Estate Business Support Program នេះ បានឱ្យដឹងថា ការរៀបចំកម្មវិធីនេះគឺក្នុងគោលបំណងចែករំលែកនូវចំណេះដឹងពាក់ព័ន្ធនឹងការគ្រប់គ្រង ជ្រើសរើសបុគ្គលិក ការចុះបញ្ជីការ និងតភ្ជាប់បណ្តាញទៅដល់ក្រុមហ៊ុនតូចៗ ដែលជាសមាជិករបស់សមាគម។
លោកបន្តថា “ក្នុងនាមយើងជាក្រុមហ៊ុនរឹងមាំហើយ ឬក្រុមហ៊ុនដែលបានបង្កើតមុន ឬក្រុមហ៊ុនធំ យើងជួយគាំទ្រ ផ្តល់បទពិសោធន៍ទៅឱ្យក្រុមហ៊ុនតូចៗ ឱ្យពួកគាត់ទៅមុខដូចយើងដែរ “។
លោកបញ្ជាក់ទៀតថា “សម្រាប់ការចូលរួមនៅក្នុងកម្មវិធីនេះវិញ លុះត្រាតែជាសមាជិករបស់សមាគម ទើបមានសិទ្ធិចូលរួមបាន ហើយអ្នកដែលចូលរួមបានហ្នឹងទៀតសោតក៏ជាអ្នកគ្រប់គ្រងជាន់ខ្ពស់របស់ក្រុមហ៊ុន ឬជាម្ចាស់ក្រុមផ្ទាល់” ។
លោក ឡុង គឹមសួគ៌ បន្តទៀតថា “កម្មវិធីនេះ នឹងត្រូវរៀបចំជារៀងរហូតដោយមិនកំណត់នោះទេ ឱ្យតែមានក្រុមហ៊ុនស្នើសុំ ឬសុំជំនួយផ្សេងៗ យើងនឹងរៀបចំជូនពួកគាត់ ។ ឱ្យតែមានក្រុមហ៊ុន ៣ ឬ ៤ ក្រុមហ៊ុន យើងធ្វើម្តង ហើយនៅខែក្រោយបើមានក្រុមហ៊ុនស្នើសុំទៀត យើងរៀបចំធ្វើទៀត”៕
The post CVEA នឹងរៀបចំកម្មវិធី Real Estate Business Support Program នៅចុងខែវិច្ឆិកានេះ appeared first on Best Real Estate News in Cambodia.
Source: Real Estate – property area